სიახლე

ავტოდაზღვევა გასაგებ ენაზე 

რას აზღვევ, როცა ავტომობილს აზღვევ? ეს ერთი შეხედვით მარტივი კითხვა, როგორც კვლევებიდან გამოიკვეთა, არცთუ ისე მარტივია.

სწორედ ამიტომ, ავტოდაზღვევის საცალო გაყიდვების ბაზარზე 3-წლიანი პირველობისა და ბევრი ფიქრის შემდეგ, გადავწყვიტეთ ავტოდაზღვევა გასაგებ ენაზე გვეთარგმნა და ამ გზით უკვე დაზღვეული და სამომავლოდ დასაზღვევი ადამიანების ცხოვრება მაქსიმალურად გაგვემარტივებინა.

კამპანიის ფარგლებში, გავამარტივეთ სადაზღვევო კონტრაქტი, წინადადებები მოვარგეტ ქართული ენისათვის ავთენტურ წყობას. ავტოდაზღვევის კონტრაქტისთვის შევქმენით ყველაზე გასაგები ფონტი, რომელიც ნებისმიერ კომპანიას შეუძლია გადმოწეროს და გამოიყენოს ხელშეკრულებისთვის. ახალ ფონტში ფიგურები მეტად გახსნილია, გაიზარდა ასო-ნიშნების ზედა და ქვედა ტანი და შედეგად, სიტყვის ფორმები უფრო მეტად მორგებული გახდა მკითხველზე. 

 

ვებგვერდის contractica.ge  საშუალებით განახლებული კონტრაქტის ნახვა და ფონტის გადმოწერა ნებისმიერ მსურველს შეუძლია. 

ყველასათვის ცნობილია, რომ ადამიანები იშვიათად თუ კითხულობენ კონტრაქტს, რისი მთავარი მიზეზიც რთული წინადადებები და ზოგადად ტექსტის კითხვადობის პრობლემაა (პატარა ზომის ფონტი, ასო-ნიშნების თვალისათვის რთულად აღსაქმელი მოხაზულობა და სხვ.). შედეგად, ხშირად არასწორი წარმოდგენები გვექმნება იმის შესახებ, თუ რა მომსახურებასა და პროდუქტს ვყიდულობთ.  

თიბისი დაზღვევა ორიენტირებულია დანერგოს და განავითაროს მომსახურების customer-centric მოდელი, რისთვისაც საწყის წერტილს, რა თქმა უნდა, არსებული მომხმარებელები, მათი საჭიროებები, სურვილები და რეკომენდაციები წარმოადგენს. სწორედ დაზღვეულთა რეკომენდაციებზე დაყრდნობით შეიქმნა ავტოდაზღვევა გასაგებ ენაზე. კომპანია მიზნად ისახავს სამომავლოდ ყველა პროდუქტისათვის გაამარტივოს სადაზღვევო კონტრაქტი და შედეგად, დაზღვეულებისა და ბიზნესის ურთიერთობა კიდევ უფრო კომფორტული გახადოს.