ელიავას ბაზრობისთვის მიყენებული ზარალის ნაწილი თიბისი დაზღვევამ აანაზღაურა


2 ივლისს, ე.წ. ელიავას ბაზრობაზე გაჩენილი ხანძრის შედეგად შპს "გუჯუჯისთვისთვის" მიყენებული ზარალი, თიბისი დაზღვევამ აანაზღაურა.

ელიავას ბაზრობის ტერიტორიის ნაწილი, კერძოდ 850 კვ.მ ფართზე განლაგებული 30-მდე მაღაზია, რომელიც შპს. „გუჯუჯს“ ეკუთვნოდა, თიბისი დაზღვევაში იყო დაზღვეული.

დაზარალებულს დაზღვეული ჰქონდა როგორც ქონება, ისე ბიზნესსაქმიანობის შეწყვეტის რისკიც, ამიტომ დაზარალებულს მიყენებული ზარალი მაქსიმალურად აუნაზღაურდა და ანაზღაურების მოცულობამ 52 170 ლარი შეადგინა.

თიბისი დაზღვევაში ქონების დაზღვევისას, ბიზნესის მფლობელებს შეუძლიათ შენობის კონსტრუქციის, რემონტის და მარაგების დაზღვევა ერთად ან ცალ-ცალკე. ასევე შესაძლებელია საქმიანობის შეფერხებისგან დაზღვევაც. ეს იმ ზარალის ანაზღაურებას გულისხმობს, რაც კომპანიას ქონების განადგურების გამო, საქმიანობის იძულებით შეწყვეტის შედეგად შეიძლება მიადგეს.